Ketilsstaðir 30, 851 Hella
Tilboð
Sumarhús
5 herb.
151 m2
Tilboð
Stofur
1
Svefnherbergi
4
Baðherbergi
2
Inngangur
Sér
Byggingaár
2010
Brunabótamat
66.050.000
Fasteignamat
33.950.000

101 Reykjavík fasteignasala og Hrafnhildur Björk lgfs. kynna: stórglæsilegt sumarhús á einstökum útsýnisstað í Holta- og Landsveit. Húsið stendur á landi Ketilsstaða og er hannað af Guðmundi Gunnlaugssyni arkitekt á Archus. Svefnaðstöðu hússins er skipt niður í tvo hluta - samtals fjögur svefnherbergi - og í báðum hlutum er baðherbergi með baðastöðu. Húsið stendur á ca. 4,5 ha eignarlandi. Birt stærð íbúðarrýmisins er 143,2 fm hjá Þjóðskrá Íslands og geymslunnar 8,1 fm, samtals 151,3 fm.

Eignin skiptist í: Lokaða forstofu, hol, 4 svefnherbergi, 2 baðherbergi, eldhús og stofu í opnu rými, sérgeymslu. 

Nánari lýsing: gengið er inn í lokaða forstofu sem er flísalögð og með góðum fataskáp. Úr forstofunni er svo gengið inn í hol en þar á hægri hönd eru tvö svefnherbergi og baðherbergi á milli þeirra. Svefnherbergin eru bæði parketlögð og annað með góðum fataskápum. Baðherbergið er flísalagt í hólf og gólf, góð innrétting, upphengt salerni, handklæðaofn og sturtuklefi. Gluggi á rýminu. Á vinstri hönd úr holinu er gengið inn í stórt opið rými með eldhúsi og stofu. Eldhúsið er með L-laga innréttingu, neðri skápum og efri  að hluta. Eyja í eldhúsinu með eldunaraðstöðu og háfi yfir auk þess sem hægt er að sitja til borðs við hluta hennar. Stofan er stór og björt og gengið er út henni á tvo vegu út á pall. Flísar á gólfi í rýminu. Einstakt útsýni úr stofu og eldhúsi. Úr stofunni er svo gengið inn í tvö önnur svefnherbergi og þar er einnig baðherbergi á milli herbergjanna. Bæði svefnherbergin eru parketlögð og með fataskápum. Úr öðru herberginu er gengið út á pall. Baðherbergið er flísalagt í hólf og gólf, góð innrétting, upphengt salerni, sturtuklefi og stæði og tengi fyrir þvottavél og þurrkara. Gengið út á pall úr baðherberginu. 

Sérgeymsla sem gengið er í að utanverðu, við hlið aðalinngangs hússins.

Sex inngangar eru á húsinu; aðalinngangur, einn úr hjónaherbergi, einn úr baðherbergi, tveir úr stofu og einn úr holi.

Heitur pottur utan við húsið.

Viðarpallur á þrjá vegu við húsið (ausur, suður og vestur).

Leiktæki á lóð fylgja ekki með í kaupunum.

Smelltu hér til að skoða grunnteikningu af eigninni. Frekari teikningar af eigninni má finna á heimasíðu Rangárþings Ytra (ry.is), neðarlega á síðunni undir kortasjá.

Fylgstu með á facebook: 101 Reykjavík fasteignasala og Hrafnhildur Björk lgfs.

Nánari upplýsingar um eignina veitir Hrafnhildur Björk Baldursdóttir löggiltur fasteignasali í gsm: 862-1110 eða email: [email protected]

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill fasteignasalan 101 Reykjavík því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.


Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,8% af heildarfasteignamati fyrir einstaklinga (0,4% fyrir fyrstu kaupendur) og 1,6% fyrir lögaðila.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2000 af hverju skjali.
3. Lántökugjald lánastofnunar -  Nánari upplýsingar á heimasíðu lánastofnana.
4. Umsýslugjald til fasteignasölu 50.200 kr.
 

Senda fyrirspurn

Skilaboð hafa verið send..

Sjá söluyfirlit

Skilaboð hafa verið send..