101 Reykjavík Fasteignasala kynnir til leigu: Glæsilegt skrifstofurými á 1. og 2. hæð eða 492,8 fm. í hinu margfræga húsi Happdrætti Háskólans við Tjarnargötu 4.  Allt að 15 bílastæðum geta verið leigð með húsnæði.  Húseign með mikla möguleika á vinsælum stað í hjarta Reykjavíkur.

Fyrst hæð: Komið er inn í húsið þar sem við tekur anddyri þaðan sem er gengið er inn í stigahús þar sem er lyfta eða inn í útleigurými 1. hæðar, gengið er inn í það rými frá bæði vinstri og hægri hönd anddyris.
Fyrsta hæðin er skipuð í dag sem afgreiðsla, skrifstofurými, vinnusvæði, tæknirými, salerni og ræstikompa. Miklir skápar og innréttingar sem eru afar vandaðar, blandað saman viði og hvítum skápum. Gólfefni er parket en flísar á afgreiðslurými.  Afgreiðslurými er afar bjart með stórum gluggum að Tjarnargötunni.
Hægt er að ganga út að bakatil á bílaplan með allt að 15 bílastæðum sem fylgt geta með gegn leigu. 
Stigi er innangengur úr þessu rými og niður í kjallara hússins en þar er glæsileg starfsmannaaðstaða með góðum skápum, salerni og tveimur sturtuherbergjum sem eru flíslögð og með góðum sturtuklefum. Þar eru einnig tvö geymslurými sem geta fylgt með eigninni. 

Önnur hæð: Komið er upp stiga í stigahúsi og gengið inn á hægri hönd þar sem komið er inn í alrými, afar bjart og opið. Rýmið samanstendur af fimm starfsstöðvum í dag með tveimur lokuðum skrifstofum á móts við inngang.  Stór skápagangur er milli enda hæðarinnar. 
Við enda starfsstöðva er fundarherbergi og við hinn enda hæðarinnar er borðsalur sem einnig nýtist sem fundarherbergi á stærri fundum, kaffikrókur starfsfólks, salerni, ræstikompa og fullbúið iðnaðareldhús. Fallegar og mjög vandaðar innréttingar og parket á gólfum. Hægt er að ganga úr þessu rými niður á fyrstu hæð án þess að fara fram í stigahús.
Skrifstofur og fundarherbergi á þessari hæð eru öll lokuð af með glerveggjum og gler rennihurðum. 
Hússjóður er einnig greiddur af leigutaka og er hann um 120.000.- aukalega við leigu.

Einstakt tækifæri fyrir atvinnurekendur er leita að vandaðri aðstöðu fyrir starfssemi sína.

Allar upplýsingar veita: Kristín Sigurey Sigurðardóttir lgf. s.820-8101 [email protected] og Björg Kristín Sigþórsdóttir s.771-5501 [email protected]